बाणगंगा । कपिलवस्तु क्षेत्र नः १ –क का सम्भावित उम्मेदवार रहेका डोलकराम घिमिरेले आफुले टिकट पाए चुनाव जित्ने दावि गरेका छन । आफुले टिकट पाए अत्याधिक मतसहित बिजयी हुने उनले बताए ।
करिव ३ दशकदेखि सक्रिय नेपाली कांग्रेसको राजनिति र समाजसेवाका कारण आफुलाई जनताले भोट दिनेमा आफु बिश्वस्त रहेको घिमिरेको भनाई छ ।
यद्यपि आफुले टिकट नपाएको खण्डमा भने कांग्रेसबाट टिकट पाउने आधिकारिक उम्मेदवारलाई जिताउन पनि नेतृत्वदायी भुमिका खेल्ने घिमिरेले बताए ।
वैखरी अनलाइनसगं कुराकानी गर्दै घिमिरेले भने, “आफुले टिकट पाए ठिक, अरुले पाए बेठिक भन्ने मलाई छैन, कांग्रेसले जित्नुपर्छ भन्ने मेरो मान्यता हो । ”
घिमिरे हाल नेपाली कांग्रेसका महाधिवेशन पतिनिधि हुन भने कपिलवस्तु उद्योग बाणिज्य सघंका अध्यक्ष समेत रहेका छन । घिमिरेले पार्टीमा रहेर बिभिन्न जिम्मेवारी निर्वाह गरी सकेका छन भने यस क्षेत्रका दर्जनौ सघं सस्थामा पनि नेतृत्वदायी भुमिका पुरा गरेका छन ।
सरल स्वभावका घिमिरेले टिकट पाए एमालेलाई सजिलै जित्न सक्ने यहाँका नेता तथा कार्यकर्ताको भनाई रहेको छ ।
