विमल गैरे, सैनामैना ।
आइफोन १४ किन्न मन छ, सेल्फी खिच्दै हिन्न मन छ ,
मलाइ मन परेको, किन्देउ श्रीफुल पिया राजै बुट्टा भरेको !!
तीजमा सुनका गरगहना लगाउने रहर, आइफोनबाट सेल्फि खिच्ने रहर जो कसैलाई पनि हुने गर्दछ । त्यसैलेत होला कलाकारहरुले बजारमा जे देखे त्यसैलाई गीतमा उतारेको पाईछ । एक हप्ता अगाडी मात्र हेर सानु ऐनामा बोलको तीज गीत सार्वजनिक गरेका लोकप्रिय गायक तथा सर्जक पुरुषोत्तम पौडेलले अहिलेको बजारको मागलाई मध्यनजर राख्दै भर्खरै सार्वजनिक गरे निकै मन छुने तीज गीत लाउली श्रीफुल पिया रानी बुट्टा भरेको ।
नेपाली हिन्दू नारीहरूको महान पर्व हरितालिका तीज अव नजिकिदै छ । कलाकारहरु पनि तिजका गीतहरु बजारमा ल्याउने तयारी गरेका छन् भने कतिका तीज गित आइसकेका छन् । गायक पुरुषोत्तम पौडेलको भने लाउली श्रीफुल पिया रानी बुट्टा भरेको यो दोस्रो तीज गीत हो ।
सुनकै सिक्रि सुनकै चुरा किन्दिम्लानी सवै पुरा,
तिम्लाई मन परेको, लाउली श्रीफुल पिया रानी बुट्टा भरेको
गीतमा पुरुषोत्तम पौडेल र सुनिता बुढा क्षेत्रीको आवाज रहेको छ । लाउली श्रीफुल पिया रानी बुट्टा भरेको तीज गीतमा शिव पौडेलको शव्द रहेको छ जुन गीतको लय गायक आफै पौडेलले गरेका हुन् । गीतको म्यूजिक भिडियो उतकृट बनाइएको छ । गीतलाई स्मृती तिमिल्सिना गुरुआमाले निर्देश गरेकी छन् भने दुर्गेश थापा र श्रृष्टि वाग्लेको न्यृत्य रहेको छ । गीतलाई पुरुषोत्तम पौडेलका युट्युब च्यानल बाट सार्वजनिक गरिएको छ ।
गीतको सफलताको कामना सहित । गीतको म्युजिक भिडियो यहाँहरुको लागि
