उपकार अनलाइन, सैनामैना बाणगंग। १५ औँ कपिलवस्तु महोत्सवको मुख्य आकर्षणका रुपमा रहेको १३ औं कपिलवस्तु डान्स आईडलको अडिसन यही मंसिर ८ गतेदेखि सुरु हुने भएको छ ।
मंसिर ८ गते कपिलवस्तु उद्योग बाणिज्य संघको कार्यालय चारनम्बरमा अडिसन हुने डान्स आईडल संयोजक विष्णु मल्लले जानकारी दिईन् । उनले नृत्यप्रति रुचि राख्ने सबैलाई अडिसनमा सहभागी हुन अपिल समेत गरेकी छिन् ।
नृत्युमा रुझान भएकाहरुका लागि आफ्नो प्रतिभा देखाउने डान्स आईडल एक महत्वपूर्ण प्याटफर्म भएको संयोजक मल्लले बताईन् । नृत्युप्रति रुचि भएकाहरुले कपिलवस्तु उद्योग बाणिज्य संघको कार्यालय चारनम्बरमा सम्पर्क गर्न सक्नेछन् ।
आईडलको विजेताले १ लाख ११ हजार १११ रुपैयाँसहित चाँदीको ट्रफी र विभिन्न गिप्ट ह्याम्परहरु प्राप्त गर्ने छ भने उपविजेताले ७७ हजार ७७७, तृतीयले ५५ हजार ५५५ र सान्तवना हुने २५ हजार ५२५ रुपैयाँसहित ट्रफी र विभिन्न गिप्ट ह्याम्परहरु प्राप्त गर्ने छन् ।
१५ औँ कपिलवस्तु महोत्सव कृषि पर्यटन तथा औद्योगिक प्रदर्शनी कपिलवस्तु उद्योग बाणिज्य संघको आयोजनामा यही मंसिर १९ गतेदेखि पुष २ गतेसम्म बाणगंगाको बुद्धरंगशालामा हुदैंछ ।
