विमल गैरे, सैनामैना ।

‘‘खेलकुदमा युवा गतिशिलता, समाज परिवर्तनमा हाम्रो प्रतिबद्धता’’ भन्ने मुल नारा सहित गोलपार्क स्पोर्टस क्लवको आयोजनामा प्रथम वडाअध्यक्ष कप (B-Level) पुरुष भलिवल प्रतियोगिता आयोजना हुने भएको छ । रुपन्देहीको बुटवल उपमहानगरपालिका वडा नं.–३, गोलपार्क खेल मैदानमा यहि मंसिर १४ गते देखि १७ गते सम्म प्रथम वडाअध्यक्ष कप (B-Level) पुरुष भलिवल प्रतियोगिता सञ्चालन हुन लागेको हो ।

खेलकुद क्षेत्रको विकास गर्दै खेलाडी उत्पादन गर्ने उद्देश्यले यो प्रतियोगिता गर्न लागेको गोलपार्क स्पोर्टस क्लवका अध्यक्ष राजन खनालले बताउनुभयो । प्रतियोगितामा प्रथम हुने टिमले नगद ४० हजारसहित कप, मेडल र प्रमाण पत्र प्राप्त गर्नेछ । द्वितीय हुने टिमले नगद २५ हजारसहित कप, मेडल र प्रमाण पत्र प्राप्त गर्दा तृतीय हुने टिमले नगद १५ हजार कप, मेडल र प्रमाण पत्र एवम् सान्त्वना हुने टिमले नगद ८ हजारसहित कप, मेडल र प्रमाण पत्र प्राप्त गर्ने क्लबका अध्यक्ष खनालले जानकारी दिनुभयो ।

यस्तैगरी विभिन्न विधागत पुरस्कार तर्फ उत्कृष्ट खेलाडी, उत्कृष्ट स्पाइकर, उत्कृष्ट ब्लकर, उत्कृष्ट सेटर, उत्कृष्ट लिव्रो खेलाडीका लागि नगद पुरस्कार सहित सम्मान गरिने खेल संयोजक दिपेन्द्र कार्कीले बताउनुभयो ।