बुटवल । पश्चिमाञ्चल यातायात व्यवसायी समिति बुटवलमा विवाद देखिएको छ । समितिको २३ औँ साधारणसभा तथा १३ औँ अधिवेशनमा सर्वसम्मतिको नाममा ३ जना पूर्व अध्यक्षले आर्थिक अनियमितता गरेकालाई नै नेतृत्व हस्तान्तरण गरेको भन्दै असन्तुष्टि देखिएको हो ।
निवर्तमान वरिष्ठ उपाध्यक्ष प्रतापबहादुर कार्की र निवर्तमान उपाध्यक्ष गणेश घिमिरे लगायतको समूहले पूर्वअध्यक्षहरुको नेतृत्वमा गठित समितिले कार्यसमिति भित्रका इमानदार र स्वच्छ छवि भएका व्यक्तिलाई निर्वाचित गराउनुपर्नेमा व्यवसाय छाडिसकेका र विभिन्न विवादमा परेका व्यक्तिलाई अध्यक्ष मनोनीत गरी एकलौटी गरेको र यो निर्णयमा निवर्तमान कार्यसमितिमा रहेका बहुमत सदस्य व्यवसायीहरु विरोधमा रहेको दाबी गरेका छन् ।
मनोनीत गरिएका गौतमले आर्थिक हिनामिना गरेको निवर्तमान उपाध्यक्ष प्रतापबहादुर कार्कीको आरोप छ । निवर्तमान उपाध्यक्ष घिमिरेले नियम विपरीत फाइलहरु खडा गर्ने, संस्थाको रकम आफ्नो व्यक्तिगत प्रयोजनमा प्रयोग गर्ने लगायतका अनैतिक कार्यमाथि छानबिन हुनुपर्ने माग गरे । -रातोपाटी
