बिराट पहारी , रुपन्देही ।
राष्ट्रको लागी खेलकुद स्वास्थ्यको लागी खेलकुद भन्ने मुल नारा सहित बुटवल उपमहानगरपालिको आर्थिक सहयोगमा माघे संक्रातीको अवसरमा मिर्मिरे यूवा क्लब, बुटवल १३ ले बिगतका बर्षहरुमा झै माघे संक्रान्ती को अवसरमा संचालित प्रथम मेयर कप क्लब स्तरीय खुल्ला पुरुष भलिबल प्रतियोगिता फाइनलमा गोलपार्क स्र्पोट क्लव र मणिमुकुन्द धलिवल क्लव वि भिड्ने भएका छन् ।
सोमबार सम्पन्न पहिलो सेमिफाइनल खेलमा गोलपार्कले मणिमुकुन्द ए लाई ३ १ को सेटमा हराउदै फाइनल प्रवेश गरेको हो भने दोस्रो सेमिफाइनलमा मणिमुन्द वि ले न्यु होराइजनलाई सोझो सेटमा पराजित गर्दै फाइनल प्रवेश गरेको हो । फाइनल खेल मंगलवार दिउसो ३ वजे हुने आयोजकले जनाएको छ । तृतिय स्थानका लागि १२ वजे खेल हुने छ ।
पुस २७ गते बाट संचालन भएको खेल मंगलवार सकिने संयोजक नवल गुरूङ्ग ले बताउनु भयो।
