टिकटक 'लाइभ' गर्दै ट्रक चलाउने चालक ट्राफिक प्रहरीको कारबाहीमा

काठमाण्डाै । ट्रक चलाउँदै टिकटक ‘लाइभ’ गर्ने एक जना चालकलाई ट्राफिक प्रहरीले कारबाही गरेको छ ।

हिजो साेमवार चितवनबाट काठमाण्डौका लागि छुटेको प्रदेश ०१ ००६ ख ३१७६ नम्बरको ट्रकका चालकले टिकटक लाइभ गर्दै गाडी चलाएको भनेर एनआरबी नाम गरेका प्रयोगकर्ताले ट्विटरबाट ट्राफिक प्रहरीलाई उजुरी गरेका थिए । फिस्लिङबाट काठमाण्डौतर्फ गुडिरहेको अवस्थामा उनले टिकटक लाइभ गरेको र जति बेला पनि दुर्घटना हुन सक्ने उजुरीका आधारमा काठमाण्डौ उपत्यका ट्राफिक प्रहरी कार्यालयले ट्रक चालक मनोजकुमार श्रेष्ठलाई कारबाही गरेको हो ।

ट्रक चालक श्रेष्ठलाई जरिबाना र सचेतना कक्षासमेत दिइएको काठमाण्डौ उपत्यका ट्राफिक प्रहरी कार्यालयले जनाएको छ ।

बागमति प्रदेश ००६ ख ३१७६ नम्बरको ट्रक ड्राईभर टिकटकमा लाईभ गर्दै गाडी चलाईरहेको छ। फिस्लींग कटेर काठमान्डौ तर्फ जादैछ। कृपया तुरुन्त रोकेर कारबाहि गर्नुहोला। @NepalPoliceHQ @valleytraffic pic.twitter.com/Y4RL1yAOOu

— NRB (@being_nrb) November 28, 2022