उपकार अनलाइन, कपिलवस्तु ।
मानव अधिकार तथा शान्तिसमाज कपिलवस्तुले ११३ औ नारी दिवसको अबसरमा दिप प्रज्वलन तथा अन्तरकृया कार्यक्रम सम्पन्न गरेको छ । कपिलवस्तुको जितपुर चोकमा भएको कार्यक्रममा सस्थाका कपिलवस्तु शाखा सभापति माधव घिमिरेको अध्यक्षता र सचिव बुद्धिसागर वेल्वासेको सञ्चालनमा सम्पन्न भएको हो ।
लैङ्गिक समानताको बलियो आधार, सिर्जनात्मक प्रबिधिमा महिला पहुँच बिस्तार’ भन्ने मुल नारा सहित बुधवार देशैभरी विभिन्न संघ सस्थाद्धारा नारी दिवस मनाउने क्रममा मानव अधिकार तथा शान्तिसमाज कपिलवस्तुले पनि ११३ औ नारी दिवस मनाएको हो । नारी दिवसको अवसरमा महिलाका हक अधिकार सुनिश्चित गर्नुपर्ने तथा नारी पुरुषलाई वरावर अधिकार गर्नुपर्ने सस्थाकी कोषाध्यक्ष सीता मल्लले वताउनुभयो । यस्तै कति महिलामाथी हिंसाभएको र उनिहरुले डरले बाहिर ल्यान नसकेको भन्दै आगामी दिनमा महिला माथी हुने शोषणमा दोषीलाई कडा कार्वाही गर्न जोडजार माग गर्नुभयो ।
