बुटवल । रुपन्देही प्रहरीले सैनामैनामा एकजना पुरुषको हत्या भएको आशंकामा ३ जनालाई नियन्त्रणमा लिएर अनुसन्धान सूरु गरेको छ।
बुधवार बिहान सैनामैनाको वावरी पार्टी प्यालेस नजिकै रहेको प्लटिङमा मृत फेला परेका अपरिचित ब्यक्तिको हत्या गरेको आशंकामा उनीहरुलाई नियन्त्रणमा लिएको हो।
ईलाका प्रहरी कार्यालय बुटवलका प्रमुख प्रहरी नायव उपरिक्षक दान बहादुर थापाका अनुसार पक्राउ पर्नेमा अर्घाखांचीको सिमलपानीका २७ बर्षिय ध्रुव बिसी, रुपन्देहीको सैनामैना २ कालिका चोकका १८ बर्षिय शिशिर थारु र नवलपरासीको बर्दघाट नगरपालिका वडा नं ९ का २५ बर्षिय सन्दिप भनिने शेर बहादुर बोहोरा रहेका छन्।
पक्राउ परेकाहरुले अघिल्लो दिन सांझ संगै बसेर मादक पदार्थ सेवन गरेको र अन्य गतिबिधीहरुको अध्यायन गर्दा हत्यामा सम्लग्न भएको पुष्टिहुन सक्ने आधारहरु फेला परेकोले नियन्त्रणमा लिएको प्रहरी नायव उपरिक्षक थापाले बताए।
घटनाको सुक्ष्म अध्यायन अनुसन्धान भई रहेको छ। प्रारम्भिक अनुसन्धानमा भेटीएको घटनाक्रम र उनीहरुको बयानले ति अपरिचित पुरुषको हत्यामा उनीहरु सम्लग्न भएको भन्न सकिने आधारहरु छन थापाले भने।
बुधवार बेवारीसे अवस्थामा मृत फेला परेका अन्दाजी ४० बर्षिय ति पुरुषको अहिले सम्म सनाखत हुन नसकेको प्रहरी नायव उपरिक्षक थापाले बताए।
पक्राउ परेकाहरुलाई जिल्ला अदालत रुपन्देहीले ७ दिन हिरासतमा राखि अनुसन्धान गर्न अनुमति दिएको प्रहरीले जनाएको छ।
