
बुटवल । रुपन्देही प्रहरीले गाडी चोरी गरेको आरोपमा दुई युवकलाई पक्राउ गरेको छ । पक्राउ पर्नेमा सिद्धार्थनगर नगरपालिकाका २३ वर्षीय रिवेश गुरुङ र २४ वर्षीय विवेक परियार रहेका छन् ।
प्रहरीका अनुसार उनीहरुले चैत १ गते बुधबार राति सिद्धार्थनगर नगरपालिका ८ अन्नपूर्ण टोलको भित्री सडक छेउमा रोकी राखेको लु १ च ७८२२ नम्बरको सामान बोक्ने गाडी (छोटाहात्ती) चोरेर लगेका थिए ।
उनीहरूलाई जिल्ला अदालतबाट दिन ५ म्याद थप गरी अनुसन्धान कार्य भइरहेको रुपन्देही प्रहरी प्रवक्ता श्यामु अर्यालले बताए ।