कपिलवस्तु । कपिलवस्तुको यशोधरा गाउँपालिकामा नेपाली नक्कली मुद्रा सहित दुई जना पक्राउ परेका छन । यशोधार गाउँपालिका ७ मर्यादपुर बजारमा चन्द्रभान गुप्ताले संचालन गरेको करन वाईन सेन्टर बाट उनिहरु पक्राउ परेका हुन ।
वाईन सेन्टरमा सामान किन्न गएका ति व्यक्तिसँग नक्कली मुद्रा रहेको भन्ने प्रहरीलाई सुचना प्राप्त भएपछि प्रहरी चौकी मर्यादपुरबाट खटीएको प्रहरी अधिकृत समेतको टोलीले भारत जिल्ला सिद्धार्थनगर थाना सोहरतगढ ग्राम अतरी बस्ने ३२ वर्षिय फैसल अहमद र उनि सगैँ रहेका उनका साथि ४२ वर्षिय बिनोद यादवलाई पक्राउ गरिएको जिल्ला प्रहरी कार्यालय कपिलवस्तुले जनाएको छ ।
फैसल अहमदको साथबाट नक्कली नोट जस्तो देखिने नेपाली एक हजार दरका १३ थान बरामद गरिएको प्रहरीले जनाएको छ । साथै त्यस्ता प्रकारका शंकास्पद नोटहरु फेला परेमा नजिकको प्रहरी कार्यालयमा जानकारी गराउन पनि प्रहरीले सम्पुर्णलाई आग्रह गरेको छ ।
