उपकार अनलाई, कपिलवस्तु ।
जातिय विभेद अन्त्यका लागि विभिन्न जातीय भेदभावका बिषयमा मानव अधिकार तथा शान्ती समाज कपिलवस्तु शाखाले अन्तरक्रिया कार्यक्रम गरी दिवस मनाएको छ । काला र गोरा जातिको बीचमा हुने भेदभाव अनी दास प्रथा विरुद्धमा ५२ वर्षअघिबाट हरेक मार्च २१ मा यो दिवस मनाइन्छ ।
सन् १९६० मा दक्षिण अफ्रिकामा आजैका दिन जातीय विभेदविरुद्ध निकालिएको शान्तिपूर्ण र्यालीमा सुरक्षाकर्मीले बल प्रयोग गर्दा ६९ जना अधिकारकर्मीहरु मारिएका थिए भने ३ सय भन्दा बढी घाइते भएका थिए । सोहि घटनाको स्मरण गर्दै सन् १९६६ मा संयुक्त राष्ट्र संघले सबै प्रकारका जातिय बिभेद उन्मुलन सम्बन्धी अन्तर्राष्ट्रिय महासन्धी पारित गर्यो ।
नेपालले सन् १९७१ मा उक्त सन्धीको अनुमोदन गरेपछि मार्च २१ को दिनलाई रङभेद दिवसको रुपमा मनाउँदै आएको छ। त्यसै अवसरमा शान्ति समाज कपिलवस्तु शाखाको आयोजनामा कपिलवस्तु को बुद्द्भुमि २ बडरामा कार्यक्रम सम्पन्न गरिएको छ।शाखा सभापति माधब घिमिरे को सभापतित्वमा भएको उक्त कार्यक्रममा संस्थापक सभापति गोबिन्द पोख्रेल प्रमुख बक्ता हुनुहुन्थ्यो । विभिन्न बिधालयका शिक्षक,कमल पोख्रेल ,शिव कुमार सुवेदी,राजु उपाध्याय लगायतले एक्काइसौं शताब्दी सम्म पनि जातिय बिभेदका कारण हिंसा भोगिरहनु दुखदाही भएको कुरा उल्लेख गर्नुभएको थियो।
बिकसित राष्ट्रमा काला गोरा वर्ण जातको कुरा छ भने नेपाली समाजमा तल्लो उपल्लो जातिय विभेदको जरो अत्यन्तै गहिरो भएकाले मानव जिवनमा यो जरो उखेल्नका निमित्त राज्यको नीति महत्त्वपूर्ण हुनुपर्ने कुरामा गम्भीरता राज्यले नै अपनाउनु पर्ने बताइएको छ। कार्यक्रममा स्थानीय ब्यबसायी राजु बि क, धर्मेन्द्र चौधरी, श्रमिक सरिता पुन, गणेश परियार लगायतले समेत जातियताको बिषयमा भोगेका आआफ्ना भोगाइ राख्नुभएको थियो। कार्यक्रम जिल्ला शाखा सचीव बुद्दिशागर बेल्बासेको संचालन मा सम्पन्न भएको थियो।
