बुटवल । लुम्बिनी प्रदेशमा मुख्यमन्त्री डिल्लीबहादुर चौधरीले विश्वासको मत लिँदा केन्द्रीय निर्देशनअनुसार तटस्थ बसेको राप्रपाले स्पष्ट पारेको छ। आज विश्वास मत राख्ने बेला राप्रपाले चौधरीको पक्ष वा विपक्षमा कतै पनि मत नहाल्ने निर्णय गरेको थियो ।
राप्रपा सांसद तथा पूर्वमन्त्री जानकी प्रसाद चौधरीले प्रदेशमा अस्थिरता पैदा भएकाले केन्द्रले कतै पनि नराख्न निर्देशन दिएको बताए । उनले यो सरकार पनि लामो समय नटिक्ने भन्दै तीन–तीन महिनामा सरकार फेर्ने खेलमा पाटी नलाग्ने बताए । लुम्बिनीको प्रदेशमा राप्रपाका ४ सांसद रहेका छन् । आजको बैठकमा पार्टीका दुई जना संसादकाे उपस्थिति रहेका थिए । राप्रपाले यसअघि एमालेको सरकारलाई भने समर्थन गरेको थियो ।
