कपिलवस्तु । कृषि तथा पशुपन्छी विकास मन्त्री डा. बेदुराम भुसालले मत्स्य अनुसन्धान केन्द्र निर्माणको लागी बाणगंगा नगरपालिकामा अवलोकन गरेका छन् । मन्त्री भुसालले शुक्रबार बाणगंगा नगरपालिका ८ धनेश्पुर र बाणगंगा ३ बबनी क्षेत्रको अवलोकन गरेका हुन् ।
सरकारको मत्स्य अनुसन्धान केन्द्र बनाउने योजना रहेको र सो अनुरुप अवलोकन गरिएको मन्त्री भुसालले बताए । उनले उक्त केन्द्रमा माछाका भुरा उत्पादनदेखि माछापालनसंग सम्बधिन्त सम्पुर्ण कामहरु हुने बताए । अन्य देशबाट २२ प्रतिशत कृषि उत्पादन बर्षेनी आयत हुने बताउँदै उनले सो आयातलाई कम गर्ने योजनासहित मन्त्रालय अघि बढेको उनले बताए ।
उनले यसै दुई क्षेत्रमध्ये एकमा मत्स्य अनुसन्धान केन्द्र निर्माणका लागी आवश्यक आम गर्न आफु प्रतिवद्ध रहेको समेत बताए । मन्धी भुसाललाई बाणगंगा नगरपालिकाका मेयर चक्रपाणी अर्यालले सो क्षेत्रको बारेमा जानकारी गराएका थिए । धनेश्पुरमा करिब ३५ विगहा क्षेत्रफल र बबनीमा करिब ५० विगहा क्षेत्रफल रहेको उनले बताए ।
सो क्षेत्रमा आवश्यक अध्ययन अनुसन्धान पछि मात्र मत्स्य अनुसन्धान केन्द्र निर्माणको निर्णय हुने बताए । कृषि तथा पशुपालनलाई नगरपालिकाले उच्च प्राथमिकता राखेर काम गरेको उनले बताए । मन्त्री भुसालले त्यस क्रममा निर्माणाधिन कृषि उपज संकलन केन्द्रको समेत अवलोकन गरे
