काठमाडौँ । संसद्मा दर्ता विद्यालय शिक्षा विधेयक–२०८० मा विद्यालय व्यवस्थापन समितिको अध्यक्ष अभिभावकबाटै चयन गरिने व्यवस्था गरिएको छ । यसअघि सरकारले वडाध्यक्ष वा निजीले तोकेको वडा सदस्य अध्यक्ष रहने प्रस्ताव गरिएको थियो ।
नेपाल अभिभावक महासंघको विरोधपछि बुधबार प्रतिनिधिसभामा दर्ता गरेको विधेयकमा अभिभावकबाटै व्यवस्था समिति चयन गरिने उल्लेख छ ।
‘स्थानीय रूपमा बसोबास गरेको बुद्धिजिवी, शिक्षासेवी, शिक्षाप्रेमी तथा समाजसेवी मध्येबाट कम्तीमा दुई जना महिला समेत रहने गरी समावेशी सिद्धान्तको आधारमा विद्यालय व्यवस्थापन समिति रहनेछ,’ विधेयकमा भनिएको छ ।
साउन २१ गते मन्त्रिपरिषद्ले पारित विधेयकका प्रावधानमा विरोध भएपछि सरकारले विधेयक संशोधन गरेर भदौ २१ गते पुनः पारित गरेको थियो ।
