कपिलवस्तु । मधौलिया सामुदायिक वनले आर्थिक वर्ष २०८०/८१ को लागि १ करोड १७ लाख ४८ हजार ६५५ रुपैयाँको अनुमानित बजेट ल्याएको छ । आज शनिवार भएको वनको २० औं साधारण सभा तथा मधौलिया वन उद्यानको पहिलो साधारण सभामा उक्त बजेट पेश गरिएको हो ।
कार्यक्रममा बोल्दै बाणगंगा नगरपालिकाका मेयर चत्रपाणी अर्यालले कपिलवस्तुमा पर्यटनको क्षेत्रमा मधौलिया सामुदायिक वनले महत्वपुर्ण भुमिका निर्वाह गरिरहेको बताउनु भएको छ । बाणगंगालाई पर्यटनको क्षेत्रमा अगाडि बढाउन यसले महत्वपुर्ण सहयोग गरेको भन्दै मधौलिया वन उद्यान (लभ पार्क) नगरकै गौरवको रुपमा रहेको बताउनु भयो । त्यस्तै उहाँले यसको समग्र विकासको लागि नगरले विभिन्न योजना तथा कार्यक्रम ल्याएको स्मरण गराउँदै वन सङ्ग सहकार्य गरेर अगाडि बढ्न नगर तयार रहेको पनि बताउनु भएको छ ।
त्यस्तौ बाणगङ्गा नगरपालिकाकी उपमेयर रिता कुमारी चौधरीले मधौलिया वन र उद्यान नगरको चिनारिको रुपमा रहेको हुदा यसको संरक्षण र सम्वद्र्धन गर्नको लागि नगर तयार रहेको बताउनु भएको छ । वनमा आउने बजेटलाई सदुपयोग र व्यवस्थापन गर्न सके धेरै काम गर्न सकिने उदाहरणको रुपमा यस वनलाई हेर्न सकिने पनि उहाँले बताउनु भयो ।
त्यस्तै बाणगंगा नगरपालिका वडा नम्बर ५ का वडा अध्यक्ष दुनिका प्रसाद भुसालले मधौलिया सामुदायिक वन सङ्ग आफु विगतमा पनि जोडिएको भन्दै यसको विकासको लागि वडा कार्यालयले सक्ने सहयोग गर्ने प्रतिबद्धता जनाउनु भएको थियो ।
वनको आगामी वर्षको निति, कार्यक्रम तथा मधौलिया वन उद्यानको वार्षिक प्रगति प्रतिवेदन प्रस्तुत गर्दै वनका अध्यक्ष खडानन्द गौतमले आफुहरुले चार वर्ष अगाडि बनाएको पार्कले अहिले जिल्ला लाई चिनाएको भन्दै यसको विकासको लागि सम्पुर्ण पक्षको सहयोगगको अपेक्ष रहेको बताउनु भएको थियो ।
त्यस्तै कार्यक्रममा वनको वार्षिक प्रगति प्रतिवेदन प्रस्तुत गर्दै कार्यवाहक अध्यक्ष तुल्सि प्रसाद अर्यालले बाणगङ्गा सङ्गै जिल्लामा पर्यटनको सम्भावनालाई वृद्धि गर्नको लागि मधौलिया सामुदायिक वनले मधौलिया वन उद्धान (लभ पार्क) निर्माण गरिएको बताउनु भएको थियो । त्यस्तै उपभोक्ताको आवस्यक्तालाइ मध्यनजर गर्दै काठदाउरा उपलब्ध गराएको समेत उहाले बताउनु भयो ।
कार्यक्रममा वैज्ञानिक वन महासंघका केन्द्रीय उपाध्यक्ष डिल्ली रेग्मी, सव डिभिजन वन कार्यालय मोतिपुरका प्रतिनिधि यम प्रसाद गैरे, नेकपा एमाले पुर्व जिल्ला अध्यक्ष झविलाला पोख्रेल, कपिलवस्तु उद्योग ब्यापार संघका अध्यक्ष खिमानन्द पौडेल, उघोग वाणिज्य संघ कपिलवस्तुकी उपाध्यक्ष इन्दिरा तिम्लसेना लगायतले बोल्दै पछिल्लो समय मासिदै गएको वन क्षेत्रलाई जोगाउन स्थनिय सङ्गै सम्पुर्ण पक्ष गम्भिर बन्नुपर्ने बताउनु भएको थियो । मधौलिया वन उद्यानामा पछिल्लो समय नेपालका विभिन्न जिल्ला र छिमेकी मुलुक भारत बाट पनि पर्यटक आईरहेको भन्दै त्यसलाई अझ प्रवद्र्धन गर्न उपभोक्त, व्यवस्थापन समिति, स्थानिय सरकार विशेष गम्भिर बन्नुपर्नेमा जोड दिएका थिए ।
वन उपभोक्ता समितिका पदाधिकारी, उपभोक्ता, कर्मचारी, विभिन्न सामुदायिक वन, संस्थाका प्रतिनिधि, पत्रकार लगायतको उपस्थिती रहेको कार्यक्रम समुहका सदस्य लेखनाथ भण्डारीको स्वागत तथा सचीव मिना भुसालको सञ्चालनमा सम्पन्न भएको थियो ।
