कपिलवस्तु । लागुऔषध मुद्धामा कपिलवस्तुको बाणगंगा बाट २ जना पक्राउ परेका छन । गजेहडा प्रहरी बिट बाट खटिएको टोलिले बाणगंगा नगरपालिका वडा नम्बर १ का ३० वर्षीय विजय राई र वडा नम्बर २ का ३४ वर्षीय दिनेश घिमिरेलाई पक्राउ गरिएको इलाका प्रहरी कार्यालय पिपराका प्रमुख गोपाल जङ्ग रायमाझीले उपकार अनलाईन सङ्ग बताउनु भएको छ ।
गत मंसिर १२ गते तौलिहवा बाट चारनम्बर तर्फ लु १८ प ५५०८ नं. को मोटरसाईकलमा आउँदै गर्दा सङ्का लागेर चेकजाँच गर्दा उनिहरुको साथ बाट लागु औषध ब्राउन सुगर जस्तो देखिने ४ ग्राम २०० मिलिग्राम धुलो पदार्थ फेला परेकोले दुबै जनालाई पक्राउ गरिएको प्रहरीले जनाएको छ ।
उनीहरुलाई कानून वमोजिम पक्राउ गरी जिल्ला अदालत बाट लागु औषध मुद्धामा म्याद थप भई अनुसन्धान गरिरहेको प्रहरीले जनाएको छ ।
