उपकार अनलाइन, कपिलवस्तु ।
प्रेमलाल भुसालको अध्यक्षतामा राष्ट्रिय स्वतन्त्र पार्टी वडा कमिटी बाणगङ्गा ३ मा गठन भएको छ । शनिवार सम्पन्न वडाको भेलाले भुसाललाई सर्वसम्मत अध्यक्ष पदमा निर्वाचित गरेको हो । यस्तै उपाध्यक्षमा दिल बहादुर थारु, सचिव पार्वता ज्ञवाली ,कोषाध्यक्ष ज्ञानेन्द्र प्रसाद पौडेल र सदस्यहरुमा भुवनेश्वर बेल्बासे, सुनिता ज्ञवाली, मायां न्यौपाने अमिता खनाल चयन भएका छन् ।
समग्र जिल्लामै हालसम्मका दलिय क्रियाकलाप बाट बितृष्णा जागेका विभिन्न दलमा आवद्द सक्रिय कार्यकता तथा निस्वार्थ जनताहरुको आशाको खम्बा राष्ट्रिय स्वतन्त्र पार्टी रहेकोले निस्वार्थ सम्पर्कमा आएका जनताको जनलहरले देखाएको प्रदेश सदस्य डा. रोम बरालले बताउनुभयो । नवनिर्वाचित पदाधिकारीहरुलाइ बधाइ तथा शुभकामना व्यक्त गर्दै लुम्बिनी प्रदेश प्रवक्ता कमल पोख्रेलले निस्वार्थ भाबले जोडिन चाहाने सबै आम जनतालाइ घण्टी साथी बनेर आआफ्ना गाउँ,टोल ,वडा , पालिका,जिल्ला स्तरमा नेपालवाद र संबिधानवादको महाअभियानमा जोडिएर अब नयाँ पुस्ताबाट देश र जनतालाइ प्रत्यक्ष परिणाम मुखी समृद्धिको बाटोमा लाग्न आव्हान गर्नुभएको छ।
संगठनमा निर्वाचित पदाधिकारीहरुलाइ पद तथा गोपनियताको सपथ ग्रहण तथा बधाई ज्ञापन गर्दै पार्टीको विधि बिधान अनुरुप प्रक्रियामा गएर अब क्रमश सबै तहको संगठन बिस्तारलाई अगाडि बढाइने भएकाले जोडिन चाहाना भएका सबैले पार्टी सदस्यता लिएर अगाडि बढ्न जिल्ला संयोजक सुवेदीले आग्रह गर्नुभयो।
नवनिर्वाचित अध्यक्ष भुसालले आफ्नो नेतृत्व मा गौरवशाली पार्टी को नेतृत्व प्रदान गर्ने सम्पूर्ण सहभागीहरुप्रती विशेष धन्यवाद दिंदै पुराना राजनैतिक अभ्यासलाई शिक्षाको रुपमा लिएर सबै मिलेर आफ्नो टिमको कार्यकालमा समाज रुपान्तरणको अनुभुती दिलाउने प्रतिवद्द्ता समेत गर्नुभएको छ।
कार्यक्रम जिल्ला संयोजक शिबकुमार सुबेदिको अध्यक्षतामा, प्रदेश सदस्य डाक्टर रोम बरालको सञ्चालनमा सम्पन्न भएको हो ।
