कपिलवस्तु । राष्ट्रिय प्रजातन्त्र पार्टी राप्रपा का केन्द्रिय अध्यक्ष राजेन्द्र लिङ्देनले २०६४ सालमा जनताले सहि विकल्प छान्न नसक्दा अहिले देशले ठुलो क्षति बेहोरिरहेको बताउनु भएको छ । राष्ट्रिय स्वतन्त्र पार्टी रास्वपा तर्फ सङ्केत गर्दै अध्यक्ष लिङ्देनले अहिलेको भेलमा पनि जनता झुक्किए देशले अझ ठुलो क्षति बेहोर्नुपर्ने तर्क गर्नुभएको थियो ।
शनिवार लुम्बिनी स्तरीय अगुवा कार्यकर्ता भेलालाई कपिलवस्तुको बैरिया स्थित मायादेवी रिसोर्टमा सम्बोधन गर्दै उहाँले यस्तो बताउनु भएको हो । विगत लामो समयदेखि सरकार प्रचण्ड पथमा हिडिरहेको भन्दै यो बाटोले देशलाई निकास दिन नसक्ने बताउनु भएको छ । वर्षाै देखि माओवादी, एमाले, काङ्ग्रेस लगायतका दलहरु वरिपरि मात्र सत्ता घुमिरहेको भन्दै अब ति दलहले देशलाई सहि बाटोमा हिडाउँछन भनेर विश्वास गर्ने कुनै आधार नरहेको बताउनु भएको छ ।
त्यस्तै अध्यक्ष लिङ्देनले चुनावमा पैसा पठाइदिन्छ, कार्यकर्ता पठाइदिन्छ भन्ने नियतले राप्रपा सङ्ग जोडिएको भए आजै त्यो भ्रम बाट बाहिर निस्किएर आफ्नो बाटो लाग्न समेत उहाँले आग्रह गर्नु भएको छ । राप्रपाले काङ्ग्रेस माओवादी एमाले जस्ता पार्टिहरु सङ्ग पैसा खर्च गरेर चुनाव जित्न नसक्ने स्पष्ट पार्दै राप्रपाले राष्ट्र, राष्ट्रियता, विकास र जनताको पक्षमा काम गरेर जनताको मन जित्ने बताउनु भएको थियो । राप्रपा अब पनि अल्झियो भने देश र धर्मलाई धोका हुने भएकाले राप्रपा अब तिव्र गतिमा अगि बढ्ने बताउनु भएको छ ।
त्यस्तै अध्यक्ष लिङ्देनले छोटो समय सरकारमा रहँदा ४ बर्षदेखि हुन नसकेको विद्युत सम्झौता खुल्ला गरेको बताउँदै तमोर, बुढीगण्डकी, दुधकोशी जस्ता जलाशययुक्त आयोजनाहरु बन्ने सुनिश्चिता गरेको दाबी गरे । उनले आगामी २०८४ मा हुने चुनावबाट संघीय सांसदमा हालको प्रतिनिधित्व १४ औं गुणा बढ्ने र सोही अनुरुपमा काम गर्न पार्टी नेता, कर्ताकर्तालाई निर्देशन समेत दिए ।
त्यस्तै कार्यक्रममा बोल्दै पुर्व कानुन मन्त्री धुर्व बहादुर प्रधानले अरु राजनैतिक दलहरूले जस्तो राप्रपाले जनताको विश्वास तोड्ने काम गर्न नसक्ने बताउनु भएको थियो । आफुले बोलेको कुरा छिनछिनमा बिर्सिएर कुनै कुराको टुङ्गो नै नभएका नेताहरूले गर्दा अहिले सिङ्गो नेपाली जनता माथि नै विदेशीले विश्वास गर्न छोडेको बताउनु भएको थियो ।
