कपिलवस्तु । प्रतिनिधि सभा सदस्य तथा नेकपा एमालेका केन्द्रीय सदस्य बलराम अधिकारीले विकासका कार्यमा कहीँकतै राज्यका कानुन बाधक बनिरहेको बताउनु भएको छ । स्थानियहरुको आवश्यकतालाई मध्यनजर गर्दै आफुहरुले सहयोग गर्न खोजेपनि विभिन्न क्षेत्रमा राज्यका नियम र कानुन बाधक बनिरहेको उहाँले बताउनु भएको हो ।
आज कपिलवस्तुको बाणगंगा नगरपालिका वडा नम्बर ८ मा रहेको मदरसा बरकतिया आधारभूत विद्यालयको भवन उद्घाटन समारोहलाई सम्बोधन गर्दै उहाँले सरकारको सहयोगमा बनेका कुनैपनि सम्पदाको संरक्षण गर्ने दायित्व स्थानियवासीहरुको हुने बताउनु भएको छ । विद्यालय सञ्चालन गर्नको लागिपनि सरकारका नियमहरुलाई ध्यन दिनुपर्ने बताउनु भएको छ । विद्यार्थीहरुको सङ्ख्या कमि भएका विद्यालयहरुलाई मर्ज गर्नुपर्ने कानुनी व्यवस्था रहेको भन्दै विद्यालयमा विद्यार्थीको सङ्ख्या बढाउन आवश्यक रहेको औँलयाउनु भएको थियो ।
त्यस्तै कार्यक्रममा बोल्दै बाणगङ्गा नगरपालिका वडा नम्बर ८ का वडा अध्यक्ष बाबुराम अर्यालले बजेट अभावमा तड्पिएको उक्त विद्यालयको भवन निर्माण गर्न आफु, वडा र स्थानियको अथक प्रयास बाट मात्र सम्भव भएको बताउनु भएको छ । आफ्नो वडामा रहेको धार्मिक विद्यालयलाई कुशलताको साथ अगाडि बढाउन आफ्नो पनि महत्वपुर्ण जिम्मेवारी रहनेभएकाले त्यो जिम्मेवारी बाट कहिल्यै पछि नहट्ने प्रतिबद्धता समेत व्यक्त गर्नुभएको थियो । फरक प्रसङ्गमा उहाँले यस समुदायमा वर्सौ देखि बसिरहेका कयौं स्थानियले अहिले सम्म पनि जग्गाको लालपुर्जा नपाएको भन्दै त्यसको लागि आफुले तिब्र गतिमा काम गरिरहेको बताउनु भएको थियो ।
त्यस्तै कार्यक्रममा बोल्दै बाणगङ्गा नगरका शिक्षा युवा तथा खेलकुद शाखा प्रमुख खिम बहादुर जिसिले बाणगङ्गामा रहेका ५ ओटा धार्मिक विद्यालयहरुलाई विशेष महत्त्वका साथ संचालनमा सहयोग गरिरहेक बताउनु भएको छ । संविधान बमोजिम हरेका बालबालिकालाई आफ्नै मातृभाषामा आधारभूत तहसम्म पठन पाठन गराउने व्यवस्थालाइ नगरले सक्रिय रुपमा लागु गरिरहेको बताउनु भएको छ । नगरले गरेको सहयोग बाट निर्माण भएको विद्यालयलाई अब प्रभावकारी ढगंबाट सञ्चालन गर्ने जिम्मा स्थानीयवासीको काधमा आएकोले त्यो जिम्मेवारी बाट पछि हट्न नहुनेमा उहाँलको जोड रहेको थियो ।
समाजसेवी करिम वक्स मियाले विद्यालयमा विद्यार्थीको सङ्ख्या निक्कै कम रहेकोले विद्यार्थीको सङ्ख्या बढाउनको लागि विद्यालयलाइ कक्षा ५ सम्म बिस्तार गर्ने, छात्रा वासको व्यवस्थापन र विद्यालय सम्म आउने बाटोको अवस्था दयानिय रहेकोले बाटोलाइ सुधार गरिदिन सांसद अधिकारी सङ्ग आग्रह गर्नुभएको थियो ।
कार्यक्रममा समाजसेवी दिन सुवेदी, पुर्व प्रध्यानध्यापक दुर्गाराज कडेल, विद्यालय अभिभावक संघका पुर्व अध्यक्ष सम्जिरन मिया, लगायतले बोल्दै कुनैपनि सम्पदाको संरक्षण गर्ने दायित्व स्थानियवासीहरुको हुने बताउनु भएको छ ।
विद्यालय व्यवस्थापन समितिका अध्यक्ष सौकद अलिको अध्यक्षता, शिक्षिका पार्वता गैरेको स्वागत मन्तव्यमा भएको कार्यक्रमको सञ्चालन रीता भट्राईले गर्नु भएको थियो ।
कार्यक्रममा विद्यालयको स्थापना कालदेखि विभिन्न क्षेत्रमा सहयोग पुर्याउने सहयोगीहरुलाई सम्मान गरिएको थियो । २०६५ सालमा स्थापना भएको विद्यालयमा कक्षा ३ सम्म पढाई हुदै आएको छ ।
