कपिलवस्तु । आगामी मंसिर ४ गतेको निर्वाचनको लागि माओवादीको तर्फबाट गठबन्धनका प्रतिनिधि सभातर्फ कपिलवस्तुको क्षेत्र नम्बर १ बाट उम्मेदवार बनेका चक्रपाणी खनाल बलदेवले देशको रक्षा, शान्ति सुरक्षा, भष्टचार रोक्न र समाज रुपान्तरण गर्न गठबन्धनको आवश्यक परेको बताउनु भयो । जनयुद्ध तथा जनआन्दोलनबाट प्राप्त उपलब्धिको रक्षा गर्न पनि अहिले गठबन्धनले जित्नै पर्ने बलदेवको दावी छ । चुनाब जित्नु मात्रै ठुलो कुरा होईन लोकतन्त्र र सविधानको रक्षा गर्न गठबन्धनको सरकारको आवश्यक रहेको उहाँले बताउनु भयो ।
पुर्व कृषि मन्त्री उम्मेदवार बलदेवले नेपाली जनताको लामो संघर्ष र बलिदानीबाट प्राप्त संबिधानको रक्षा गर्दै नेपाली जनताको आवश्यकता अनुसार विकास र सुशासन तर्फ लाग्ने जिकिर गर्नु भयो । शिक्षा, स्वास्थ्य,कृषि रोजगारको वृद्धि र विकासमा पहिलो प्राथमिकता रहेको स्पष्ट पार्नु भयो ।
कार्यक्रममा पुर्ब उपसभामुख नेपाली कांग्रेसका केन्द्रीय सदस्य तथा अर्घाखाँची जिल्ला प्रतिनिधि सभाका उम्मेदवार पुस्पा भुसालले संविधानको कार्यन्वयनका लागि लोकतान्त्रिक गठबन्धनको जित अहिलेको आबश्यक्ता रहेको बताउनु भयो । राष्ट्र र राष्ट्रियताको रक्षाका लागि पनि गठबन्धनको जित सुनिश्चित रहेको बताउदै विकासको परिणाम गरिबीको रेखामुनि रहेको जनताको घरभित्र छुने गरि काम गर्नु पर्ने तर्क गर्नु भयो । यता कपिलवस्तु क्षेत्र नम्बर १ का उम्मेदार डोलकराम घिमिरेल विकास निर्माणका काम र जिल्लाको मुहार फेर्न गठबन्धनको जीत सुनिश्चित भएको बताउनुभयो । जनताको रक्षा गर्दै आर्थिक,समृद्ध र विकासलाई जोड दिर्नु पर्ने उहाँले बताउनु भयो ।
नेपाली कांग्रेस अर्घाखाँची कपिलवस्तु सम्पर्क समितिको आयोजनामा कपिलवस्तु बाणगंगा नगरपालिका बैरियामा शुभकामना आदानप्रदान तथा चियापान कार्यक्रममा कपिलवस्तु र अर्घाखाँचीका गठबन्धनका समानुपातिक तर्फका उम्मेदार तथा नेता कार्यकताले बोल्दै अर्घाखाँची र कपिलवस्तु एक अर्काका परिपुरक रहेकाले एक अर्कामा सयोग विश्वास व्यक्त गर्नु भयो । दलित,महिला समाबेशी,र बालबालिकाको रक्षामा सधैं लागि पर्ने बताउनु भयो । कार्यक्रममा कपिलवस्तु र अर्घाखाँचीको नेता कार्यकताहरुको बाक्लो उपस्थिति रहेको थियो ।
