कपिलवस्तु । यस वर्षको माध्यमिक शिक्षा परीक्षा कक्षा १० (एसईई) चैत्र १७ गतेबाट सुरू हुँदैछ। परीक्षामा देशभरबाट ५ लाख १६ हजार ५९१ जना परीक्षार्थी सहभागी हुँदैछन्। परीक्षाका लागि २ हजार ३६ परीक्षा केन्द्र तोकिएका छन्। परीक्षा चैत्र २९ गतेसम्म चल्नेछ ।
प्रदेशका सबै जिल्लामा परीक्षा केन्द्र निर्धारण गरी परीक्षा संचालनका लागि आवश्यक सबै तयारी समेत करिब अन्तिम चरणमा पुगेको पनि उहाँले बताउनुभयो । परीक्षा संचालनका लागि प्रदेशका १२ वटै जिल्लामा गरी जम्मा ३३४ वटा परीक्षा केन्द्र निर्धारण गरिएको छ । परीक्षालाई मर्यादित, भयरहित र अनुशासित तवरबाट सम्पन्न गराउनका लागि निर्धारण गरिएका ३३४ वटै परीक्षा केन्द्रहरुमा केन्द्राध्यमक्षहरुको नियुक्ति समेत भएको छ भने नियुक्ति लिएका केन्द्राध्यक्षहरुलाई अभिमुखिकरण समेत गरिएको प्रदेश शिक्षा तथा सामाजिक विकास निर्देशनालयले जनाएको छ ।
यसैबीच यता कपिलवस्तु जिल्लाबाट यस वर्ष नियमति, प्राविधि र ग्रेड बृद्धी गरी जम्मा ९ हजार ७ सय ११ विद्यार्थीले एसइई परीक्षा दिदैँ छन् । त्यसका लागि कपिलवस्तुमा २९ वटा परीक्षा केन्द्र निर्धाण गरिएको जिल्ला शिक्षा विकास तथा समन्वय इकाइ शाखा अधिकृत अर्जुन कुवँरले जानकारी दिनुभएको छ ।
