सैनामैना । संविधान दिवसको अबसरमा बुद्ध इङलिस स्कुलले पनि दीप प्रज्वल गरेको छ । देशका विभिन्न शहर तथा चोकहरुमा दीप प्रज्वल गरी संविधान दिवस मनाइरहदा सैनामैना नगरपालिका वडा नं ७ मा रहेको उक्त स्कुलले पनि दीप प्रज्वलन गर्दै संविधान दिवस मनाएको हो ।
बिद्यालयमा निरन्तर विभिन्न अतिरिक्त कृयाकलापहरुमा बिद्यार्थीहरुलाइ प्रत्यक्ष रुपमा सामेल गराइरहने सो बिद्यालयले सोमवारसंविधान दिवसको अवसरमा बिद्यार्थीहरुलाई ‘हाम्रो संविधान’ शिर्षकमा निबन्ध लेखन गराइएको हो भने नेपालको नक्सा र झण्डा बनाइ दीप प्रज्वलन गरिएको हो ।
संविधान दिवसको खुसियालीमा दीप प्रज्वलन गरिएको प्राचार्य लेखनाथ गैरेले जानकारी दिनुभयो । दीप प्रज्वलनमा बिद्यालयका प्राचार्य, सह प्राचार्य सहित सम्पूर्ण शिक्षक कर्मचारी र बिद्यार्थीहरुको पनि सकृय सहभागिता रहेको थियो ।
