उपकार अनलाईन, सैनामैना ।
हरितालिका तीजको अवसर पारेर सैनामैना ३ दर्खासीमा स्व.ईन्द्र प्रसाद भट्टराईको स्मृतीमा B-Leval खुल्ला भलिवल प्रतियोगिता अन्र्तगत समुह चरणका सवै खेल सकिएका छन् ।
सैनामैना वडा नं. ३ दर्खासीमा रहेको खेलमैदानमा मंगलवार शृष्टि युवा क्लव निलोले गोल्डेन युथ क्लवलाई २–१ ले हराउदै अघिल्लो चरणमा प्रवेश गरेको छ । यस्तै शृष्टि युवा क्लव रातोले श्रम ज्योती क्लवलाई २–० सोझो सेटमा जित निकाल्दै अघिल्लो चरणको यात्रा सुरक्षित गरेको हो भने समुह चरणको अन्तीम खेलमा तिनाउ भलिवल क्लवले जागरण एकता युवा क्लवलाइ २–१ ले पछि पार्दै अघिल्लो चरणको यात्रा सुरक्षित गरेको छ ।
समह चरणका खेल सकिए संगै दोस्रो चरणका खेल पनि मंगलवारबाटै सुरु भएका छन् । जसमा गोलपार्क भलिवल क्लवले तिलोत्तमा भलिवल क्लवलाई २–१ र समावेसि भलिवल क्लवले न्यु होराइजन स्कुललाई २–० ले हराएको छ ।
दर्ता भएका २७ टिम मध्ये १६ टिम दोस्रो चरणमा प्रवेश गरेको शृष्टि युवा क्लवका अध्यक्ष भक्त बहादुर थापाले जानकारी गराउनुभयो ।
प्रतियोगितामा प्रथम हुनेले नगर ३५ हजार शिल्ड मेडल र प्रमाणपत्र प्रदान गरिने खेल संयोजक बोम बहादुर बुढा मगरले जानकारी गराउनुभयो।
