सैनामैना । रूपन्देहीको सैनामैना मुर्गियामा जारी प्रथम सुनगाभा सैनामैना गोल्डकपमा तेस्रो दिनको खेलमा अभिषेक चर्च विजय भएको छ । खेल शुभारम्भ भएको २ मिनेटमा नै अभिषेक चर्चका जर्सी नम्बर ७ सूचित बुढाथोकीले गोल गर्दै आफ्नो टिमलाई अग्रता दिलाएका थिए । प्रतिस्पर्धात्मक खेलमा खेलको ११ औं मिनेटमा सशस्त्रका जर्सी नम्बर ७७ का भरत कपालीले गोल गर्दै टिमलाई बराबरीमा पुर्याएका थिए ।
एकपछि अर्को प्रहार गर्दै दुवै टिमले गोल पोस्टमा प्रहार गरेता पनि दुवै टिमका किप्परहरूले उत्कृष्ट रक्षा गर्दै गोल हुनबाट आफ्नो टिमलाई पछि पर्नबाट बचाएका थिए ।
अभिषेक चर्चको उत्कृष्ट प्रहारलाई सशस्त्रका गोलकिपर अतिप श्रेष्ठले पटकपटक बचाएका थिए । खेलको दोस्रो हाफको ४६ औं मिनेटमा अभिषेक चर्चका शक्ति गुरुङले गोल थप्दै आफ्नो टिमलाई २-१ को अग्रता दिलाएका थिए ।
निकै नै प्रतिशतप्रधात्मक खेलमा नतिजाका लागि अन्तिम समय सम्म नै कुर्नुपर्ने देखिएको थियो र यद्यपि उत्कृष्ट प्रहारहरूलाई अभिषेक चर्चका गोलकिपर तोप बहादुर राणाले उत्कृष्ट रक्षा गर्दै आफ्नो टिमलाई जित दिलाएका थिए ।
खेलमा आफ्नो उत्कृष्ट प्रस्तुति दिएका अभिषेक चर्च नवलपुरका जर्सी नम्बर ७ का खेलाडी सुजित बुढाथोकी खेलको म्यान अफ द म्याच घोषित भएका थिए। बोली अर्थात् बिहीबारको खेल महावीर क्लब काठमाडौँ र हनामी बिएफसी चितवन बीच हुने कुरा टिम संयोजक श्री दर्लामीले जानकारी दिएका थिए ।
प्रतियोगितामा पहिलो स्थान हासिल गर्ने टिमले नगद ७ लाख रुपैयाँ ट्रफि, मेडल र प्रमाणपत्र र दोश्रो स्थान हासिल गर्ने टिमले नगद ४ लाख रुपैयाँ ट्रफि, मेडल र प्रमाणपत्र प्राप्त गर्नेछन् ।
सेमीफाइनलमा पुगेर बाहिरीने दुई टिम नगद ४०-४० हजार रुपैयाँ प्राप्त गर्नेछन् । त्यस्तै उत्कृष्ट खेलाडी, सर्वाधिक गोलकर्ता, उत्कृष्ट गोलरक्षक, उत्कृष्ट डिफेण्डर, उत्कृष्ट स्ट्राइकर, उत्कृष्ट मिडफिल्डर, राईजीङ्ग प्लेयर र उत्कृष्ट प्रशिक्षकलाई जनही १५ हजार रुपैयाँ र ट्रफि पाउनेछन् ।
प्रतियोगितामा ए डिभिजन, नेपाल पुलिस र मोफसलका क्लब गरी १० टोलीको सहभागीता रहेको छ ।
