काठमाडौं । साफ महिला च्याम्पियनसिपअन्तर्गत माल्दिभ्ससँगको खेलमा बंगलादेश ३–०ले विजयी भएको छ ।
त्रिपुरेश्वरस्थित दशरथ रंगशालामा बुधबार भएको खेलको सुरुआतदेखि माल्दिभ्समाथि बलियो पकड बनाएको बंगलादेशले खाता भने ३३औं मिनेटमा खोलेको थियो । ३३औं मिनेटमा सबिना खातुनले करिब ३० यार्डको दुरीबाट गोल गरिन् ।
त्यसको अर्को मिनेटमा मासुर प्राविनले बंगलादेशको अग्रतालाई दोब्बर पारिन् । प्राविनाले माल्दिभ्सकी डिफेन्डरलाई छक्काउँदै गर्दै गोल गरिन् ।
सविनाले नै ४०औं मिनेटमा गोल गर्दै बंगलादेशको अग्रतालाई ३–० बनाइन् । ८१ औं मिनेटमा सबिनाले गरेको गोल भने अफ साइट घोषित भएको हो । यसअघि समूह एकै अर्को खेलमा भारतले पाकिस्तानलाई ३(०ले पराजित गरेको थियो ।
